வீட்டுச்சுமை

வீடு சுமையென்றவனின் காலடியில் 

சுமையில்லை என்று நகர்ந்தது 

நத்தை வீட்டை சுமந்தபடி...

-பாலா தமிழ் கடவுள்

பெயர் கேட்கின்றேன்

காணும் அனைத்து பறவைகளிடமும் 

பெயர்கேட்கின்றேன் 

உன்னிடம் கேட்க மறந்ததால்.

-பாலா தமிழ் கடவுள்

உறங்கும் கல்

உறங்கும் கல் உளியின் சத்தத்தால் 

உருவமாகும் 

உறங்கும் நான் உன்விழி மேல்தனில் 

புருவமானேன்

-பாலா தமிழ் கடவுள்

கல்வி வழி தவறி

விழி பேசும் மொழியரியும்

பதின்மவயதில்

கல்வி வழி தவறிபோவான்

வாலிபனே

-பாலா தமிழ் கடவுள்

எம்பெருமான் இருக்கும் இடம்

அல்லுமில்லை பகலுமில்லை

ஆண்டவனை நினைக்கும் நேரம்

கல்லுமில்லை செம்புமில்லை

எம்பெருமான் இருக்கும் இடம்

-பாலா தமிழ் கடவுள்

கத்தியின் கருணை

கத்தியின் கருணையால் 

அறுபடும் ஆட்டின் 

சத்தம் நின்றது

-பாலா தமிழ் கடவுள்

எப்படி வருகிறாய்

என் வீட்டு கதவும் மூடித்தான் இருக்கிறது 

என் விழியின் இமையும் மூடித்தான் இருக்கிறது 

இருந்தும் எப்படி வருகிறாய் என் கனவில் நீ...

-பாலா தமிழ் கடவுள்

தீக்குச்சி அறியாமை

வெளிவந்தால் எறிந்துவிடுவோம் என்ற பயத்தில் தான் தீக்குச்சிகள் தீப்பெட்டிக்குள்

ஒளிந்து கொண்டு இருக்கிறது

வெளிவந்தால் எறிந்துவிடலாம் என்ற அறியாமையால்.

-பாலா தமிழ் கடவுள்

இரவின் நீளமும் ஈரமும்

காதலால்,

இரவு நீளமானதும் உண்டு,

இரவு ஈரமானதும் உண்டு

-பாலா தமிழ் கடவுள்

மூக்கும் காவலனும்

பூக்களின் மனங்களை கொள்ளையடித்து வரும்

காற்றை சிறைபிடிக்கும் மூக்கு

காவலர் போல (பணம்)மனம் வாங்கி

காற்றை(கள்வனை) விடுவிக்கிறது...

-பாலா தமிழ் கடவுள்

ஊது வர்த்தி

ஒற்றைக்காலில் தவம் செய்யும்

கருநிற பெண்ணின்

வெண்ணிற கூந்தல்

வானோக்கி பறப்பது அதிசயமே…

-பாலா தமிழ் கடவுள்

கவிஞனின் படைப்புகள்

கற்பனைக்கு ஏற்றவாறு

விற்பனையாகிறது

கவிஞனின் படைப்புகள்

-பாலா தமிழ் கடவுள்

எறும்பின் பயணம்

ரோடு அகலம் என்பதால்

ரோட்டின் நடுவே எறும்புகள்

ஊர்ந்து பயணிப்பது இல்லை

-பாலா தமிழ் கடவுள்

அன்றும் இன்றும்

அடுப்பில் வைத்த பால் பொங்கி

அடுப்பை அணைப்பது அன்று

அடுப்பில் வைத்து பால் விசிலடித்து

அணைக்க அழைப்பது இன்று

-பாலா தமிழ் கடவுள்

வெள்ளரிக்கு ஆயிரங்கண்

வெயில் பொழியும் வேளையிலே

வெள்ளரி கீறிவிக்கும்

வெற்பம்மா கிழவிக்கிட்ட

விலை குறைச்சு வாங்கி வந்த

வெள்ளரிக்கு ஆயிரங்கண்

-பாலா தமிழ் கடவுள்

குழந்தை இல்லாதவள்

எங்கோ அழும் குழந்தை குரல் கேட்டு

தடவி கொடுத்தாள் தன் அடிவயிற்றை

குழந்தை இல்லாதவள்

-பாலா தமிழ் கடவுள்

இரண்டு அடி

ஒழுங்காய் இரு என்று 

"இரண்டு அடி" கொடுப்பதில் 

அம்மாவை மிஞ்சி விடுகிறான் 

வள்ளுவன்

-பாலா தமிழ் கடவுள்

பெண்மானம் காத்திருப்போம்

அன்று நாம் அம்மணமாய் திரிந்த

அம்மனம் இருந்திருந்தால்,

பெண்மனம் புரிந்துதிருப்போம்.

பெண்மானம் காத்திருப்போம்.

-பாலா தமிழ் கடவுள்

பெட்டின் மீது மெட்டு

பெட்டின் மீது மெட்டு, 

***போட்டது ஒருப்பாட்டு.
அது பத்து மாதம் கழித்து,
***கேட்டது தாலாட்டு.
இனி உனக்கு எனக்கு இல்லை,
***காதல் விளையாட்டு.
காரணம் நாம் வரைந்த,
***கவியோவிய குறும்பாட்டு...

-பாலா தமிழ் கடவுள்

அம்மாவின் நினைவு

அட்டவணையில் வரும்

அயல்நாட்டு உணவு

உண்ணும்போது

கண்ணீர் துடைத்தது

அம்மாவின் நினைவு

-பாலா தமிழ் கடவுள்